Corte muñeca paso a paso

Son moitos os que se animan a usar materiais para caracterización nestas datas tan sinaladas como Haloween ou Carnaval. Aínda que a caracterización avanzou moito tal e como puidemos comprobar no noso último curso de caracterización para cine, os produtos para caracterización e efectos especiais clásicos (látex, carne artificial,mastix, sangre artificial...etc) seguen estando ao alcance de todos polo seu doado manexo e resultado real (e pola súa total falta de perigo e toxicidade)

Hoxe queremos ofrecer un titorial paso a paso moi moi sinxelo, para que vos animedes a experimentar, é o clásico corte de veas no boneco, aínda que poderedes repetir o proceso en calquera zona para simular unha cicatriz na cara, un corte na nariz...etc.

O xogo que nos dá o pulso é que co movemento ao ser materiais flexibles lle dá un realismo total, xa que parece abrirse e pechase como un corte de veas auténtico.

Esperamos que vos guste!

Paso1: Aplica unha pequena cantidade de adhesivo na zona onde realizarás o corte. (Spirit Gum Ben Nye)

Paso 2: Quentamos a carne artificial (tamén chamada cera ou dermawax) na man coa axuda dunha espátula e un secador, desta forma será moi doado de modelar e obter a forma deseada.De a marca Grimas

Paso 3: Coa espátula aplicamos a carne artificial sobre a zona elixida previamente.

Paso 4: Aplicamos un pouco de maquillaxe á auga vermello coa axuda dun pincel na ferida, para conseguir profundidade e poñeremos sangue artificial líquido no corte cun pincel, enche sen medo o efecto será de sangue que sae dese corte. Podes facer efectos máis ou menos marcados segundo a cantidade de sangue.